„АЦО ЃОРЧЕВ“ – НЕГОТИНО

Вчера во НУ Центар за култура „Ацо Ѓорчев“ во Неготино се одржа прекрасна поетска работилница исполнета со искрени детски насмевки и многу позитивна енергија. Во рамките на соработката со Дом на култура Брестовац, го угостивме српскиот писател Власта Цениќ со неговата збирка „Ѕвездана лектира“ (во препев на Филип Димкоски, издание на „Стари Поток“). Сакаме да упатиме огромна благодарност до: Писателот Власта Цениќ за прекрасната енергија, топлина и стиховите кои измамија безброј насмевки на детските лица. ООУ „Страшо Пинџур“ и ООУ „Гоце Делчев“, како и до наставниците по македонски јазик и литература, за посветеноста и прекрасната атмосфера што ја создадоа заедно со учениците. Гостите од Дом на култура Брестовац за продолжувањето на успешната културна соработка. Книгите спојуваат луѓе и генерации, а детските насмевки се нашата најголема награда! Ви благодариме на сите за ова незаборавно дружење.

Честит Ден на ослободувањето на Неготино! Во нашата сала, во НУ Центар за култура ,,Ацо Ѓорчевʼʼ - Неготино, во топла и емотивна атмосфера, достојно го одбележавме големиот празник – 8 Ноември, Денот на ослободувањето на нашето Неготино. На свеченоста, Општина Неготино додели свечени признанија на истакнати поединци и колективи кои со својот труд, посветеност и постигнувања даваат посебен придонес за развојот и афирмацијата на нашиот град. Ни претставуваше голема чест и задоволство што токму кај нас во НУ Центар за култура „Ацо Ѓорчев“, преку музика, уметност и заедништво, им оддадовме почит на сите заслужни сограѓани на овој значаен датум. Нека ни е честит и вековит 8 Ноември – Денот на ослободувањето на Неготино!

Изложба на копаничарски дела на ЗЗН „Стари занаети“ во Ценатарот за култура „Ацо Ѓорчев“ Неготино.

Преземете ги прикачените документи подолу.

ЈАВЕН ОГЛАС ЗА ВРАБОТУВАЊЕ НА НЕОПРЕДЕЛЕНО ВРЕМЕ 05.11.2026

Почитувани, Со особено задоволство ве информираме дека во Центарот за култура „Ацо Ѓорчев“ – Неготино, паралелно со подготовките на театарската претстава „Чорбаџи Теодос“, која е одобрена и поддржана од Министерството за култура, Аматерскиот театар при Центарот неуморно работи и на уште еден нов театарски проект – урнебесната комедија „Неготински мајтапи“! Претставата е во режија на Златко Цветковски, а во актерската екипа повторно ќе ги видиме актерите од минатогодишната претстава „Што виде Батлерот“ , збогатени со нови, млади и талентирани лица кои допрва ќе имаат можност да го покажат својот потенцијал на штиците што живот значат. Особено интересен е податокот дека претставата се подготвува според авторски текст на Златко Цветковски, со кој пред 24 години, на Фестивалот на аматерскиот и алтернативниот театар (ФААТ) во Кочани, беше освоена наградата за најдобра машка улога, која му припадна на Влатко Арсов. Со овој проект, Аматерскиот театар продолжува да ја негува театарската традиција во Неготино, да создава нови актерски имиња и да отвора простор за младите луѓе да се изразат преку театарската уметност. Неготино добива уште една комедија, уште една приказна и уште една причина да се смее! Следете нè за повеќе информации за премиерата!

Со гордост ви ја најавуваме премиерата на театарската претстава „Чорбаџи Теодос“ од Васил Иљоски, а во изведба на членовите на Драмскиот аматерски театар при НУ Центар за култура „Ацо Ѓорчев“ – Неготино. Режија - Кристина Јованова 📅 Датум: 12 ноември од 19:00 час. 📍 Место: НУ Центар за култура „Ацо Ѓорчев“ – Неготино

Кога светлата во салата ќе се изгаснат, а завесата ќе проговори... Времето ќе застане, за да ни го покаже сопственото огледало. 🕯️ ,,ЧОРБАЏИ ТЕОДОСʼʼ Нова театарска приказна во подготвување на Драмскиот аматерски театар при НУ Центар за култура ,,Ацо Ѓорчевʼʼ - Неготино. Завесата се крева наскоро! facebook.com/nucknegotino2022

✨ Поезијата ја разбуди емоцијата во фоајето на Центарот за култура ✨ Во фоајето на НУ Центар за култура „Ацо Ѓорчев“ – Неготино, промоцијата на стихозбирката „Мојот свет без маски“ од Славица Трпкова ја разбуди емоцијата и го исполни просторот со топол пишан збор. Секој прочитан стих ги допре присутните, потсетувајќи нè на убавината на искрените човечки чувства. 📖🕊️ Искрена и длабока благодарност до авторката Славица Трпкова за нејзините прекрасни стихови, за храброста и нежноста со која го сподели својот внатрешен свет. Голема благодарност и до ученичките кои со својата младешка енергија и вдахновени рецитации ѝ дадоа посебна убавина и живост на вечерта 🌟, како и до сите драги гости кои со своето присуство и аплаузи го заокружија овој прекрасен настан 👏 💐