Home

ИЗЛОЖБА НА СЛИКИ ОД ДЕТСКАТА КОЛОНИЈА - ЛЕБЕДОВО ЕЗЕРО СТРУМИЦА 2026

Изложбата помина во прекрасно светло

Под топлите сончеви зраци, на отвореното плато пред Центарот за култура „Ацо Ѓорчев“ – Неготино, одблескаа прекрасните изработки од Детската ликовна колонија „Лебедово езеро – 2026“.

Изложените ликовни дела ги изработија деца, членови на ликовни училишта и студија од Неготино, Кочани, Берово, Струмица и Ново Село.

Настанот предизвика големо внимание кај граѓаните, а делата беа создадени во периодот 11 и 12.6.2026 година на комплексот „Лебедово езеро“ во организација на Домот за деца и млади „Благој Мучето“ – Струмица.

Ви благодариме на сите што бевте дел од овој настан и што заедно создаваме инспиративна средина каде што овие таленти можат слободно да творат!

КУД „Јане Сандански“ при НУЦК „Ацо Ѓорчев“ - 56. издание на фестивалот „Илинденски денови“ во Битола

Со посебно задоволство ја споделуваме веста дека КУД „Јане Сандански“ при НУЦК „Ацо Ѓорчев“ - Неготино оствари успешен настап на 56. издание на фестивалот „Илинденски денови“ во Битола.

Марија Добриновска се врати со освоена награда за најдобра вокална изведба за песната „Болен лежи млад Никола“ од етничкиот предел Скопска Блатија.

Искрени честитки до Марија за овој прекрасен успех, како и до целиот ансамбл кој достоинствено ги претставува нашата традиција и култура.

Ѝ посакуваме уште многу успеси и отпеани песни во иднина!

КУД ЈАНЕ САНДАНСКИ при НУЦК „Ацо Ѓорчев“ Неготино - Гостување во Дубница на Вахом - Словачка

КУД „Јане Сандански“ при НУ Центар за култура „Ацо Ѓорчев“ – Неготино учествуваше на 32. Меѓународен „Дубнички фолклорен фестивал“, кој се одржа во Дубница на Вахом, Словачка, во 2026 година.

Ансамблот учествуваше на две фестивалски вечери, претставувајќи ја македонската фолклорна традиција во целост, преку сите четири сегменти: оркестар, игра, пеење и носија.

Пред фестивалската публика, КУД „Јане Сандански“ се претстави со репертоар во традиционална и стилизирана форма, преку кореографии и изведби како:

„Ораовички собор“

„Малешевка“

Ороводната песна „Младо Виде“

„Копачка“ – традиционална македонска игра која е дел од нематеријалното културно наследство на човештвото под заштита на УНЕСКО.

Со својот настап, ансамблот достојно ја претстави македонската фолклорна традиција, нејзината музика, игра, песна и автентичната убавина на македонската народна носија.

Учеството на вакви меѓународни фестивали е од особено значење за промоцијата и афирмацијата на македонското културно наследство, како и за воспоставување нови културни контакти и соработка со фолклорни ансамбли од други земји.

Со песна, игра и традиција – ја претставуваме Македонија пред светот!