На 9 септември со почеток од 19:00 часот во дворот на Манастирот „Св. Ѓорѓи“ Неготино, Центарот за култура „Ацо Ѓорчев“ Неготино и оваа година повторно ќе ја организира традиционалната манифестација „Неготинска поетска вечер“, на оваа вечер покрај настапот на повеќемина поети од повеќе градови од Македонија учество ќе земат музичарите Силвана Чулева Атанасова на флејта и Емилија Кабранова Филипова на пијано, ги покануваме сите љубители на поезијата да присуствуваат на овој настан.
На 20. август 2020 година во компплесот на Манастирот „Св. Ѓорѓи“ Неготино ќе се одржи традиционалната детска ликовна колонија. На оваа колонија поради ситуацијата со корона вирусот оваа година учество ќе земат само, талентирани ученици од нашата Општина. Истата ќе биде оддржана по протокол со сите мерки на заштита.
На 26 февруари 2020 година (среда) со почеток од 19:00 часот, во Центарот за култура „Ацо Ѓорчев“ Неготино ќе гостува Детскиот младински Ансамбл „Срма“ од Куманово. Ве покануваме да го проследите овој настан, влез слободен!
На 19 и 20 февруари (среда и четврток) со почеток од 19:30 часот. во киното на Центрот за култура „Ацо Ѓорчев“ Неготино премиерно ќе се прикажува најновиот македонски игран филм - „Дедо и Внук“, влез 100 денари.
„Дедо и внук“ во Охрид: Емотивна приказна со длабока порака
Кратка содржина :
После смртта на едно дете пациент, кое чека лекување во странство, настанува скандал и младиот доктор Никола за да го избегне притисокот е приморан оди на посета кај дедо му, каде што не бил повеќе од 10 години и таму се среќава со проблемите од неговото минато.
youtube линк
https://www.youtube.com/watch?v=OXWgtjbeirI&feature=youtu.be
Facebook линк
https://www.facebook.com/grandfatherandgrandson/
Илија Пиперкоски, кој го напиша и сценариото за филмот, успеа да раскаже прекрасна приказна, со која сите гледачи ќе можат длабоко да се идентификуваат - проблемите со здравството, политиката, корупцијата, но и обичните човечки приказни и односи момче-девојка, татко-син и дедо-внук. Грешките од младоста често знаат да отворат големи дупки подоцна во животот на секој од нас, па гледачите во многу делови од филмот ги препознаа сопствените или проблемите од нивните најблиски и пријатели. Според Пиперкоски, уметноста не треба да се занимава со големи теми, туку со мали, навидум секојдневни приказни на обичниот човек. Големите приказни се во малите мигови....
Покрај Салаетин Билал, во филмот играат и Дејан Лилиќ, Даниела Ивановска, Горан Стојаноски, Благој Веселинов и други актери, меѓу кои се истакна и тогаш 12-годишниот охриѓанец Наум Цветкоски. Продуцент е Огнен Антов од „Друм фактори“, во соработка со: „Пандорас бокс продукција“ и „Елиен филм“, и е финансиски помогнат од Агенцијата за филм. Директор на фотографија е романецот Патру Паунеску, сценографијата е на Владимир Зафирковски, костимограф е Жаклина Крстевска, композитор Оливер Тевчев, а монтажата ја направи Данчо Стефков.
(Крај)
