Почитувани,  Центарот за култура „Ацо Ѓорчев“ Неготино ви најавува уште еден настан од полето на традиционалната култура. Станува збор за изложба на фотографии од традиционални носии од збирката на младиот стружанец Љупчо Милошески. Воедно на отварањето на изложбата ќе биде поставен штанд со монографија од самиот автор во која се прикажани сите традиционални носии кој тој самиот ги собирал од терен. Изложбата ќе биде поставена на 05.10.2021 (вторник) со почеток во 12:00 часот во фоајето на Центарот за култура Неготино, а ќе трае до 11.10.2021 (понеделник).