Ново

03.12.2018 Кино: „Младешка самотија“

Објавено: 03 Декември 2018

Напишано од НУЦК

Категорија: Настани

На 03.12.2018 (понеделник) со почеток од 19:00 часот ќе се прикажува документарниот филм - „Младешка самотија“, влез 50 денари. Ве известуваме дека за првите 20 лица кој ќе остават коментар на фејсбук, доделуваме гратис влезници! Не пропуштајте!

Кратка содржина

Клер Симон ни прикажува еден важен период од животот на секој човек, од 16 до 18 години. Сместени во едно париско предградие во средно училиште (за оние што се доволно среќни воопшто да одат на училиште), тинејџерки разговараат по и за време на часовите, седнати во школските ходници или надвор на некоја клупа, гледајќи во градот под нив. Клер Симот поставува кинематографски дијалог со тинејџерките, кои зборуваат за нивниот личен живот, за нивните семејства, но и за страстите и осаменоста.

Година: 2018
Режија: Клер Симон
Времетраење: 100 мин
Земја: Франција
Жанр: Документарен
Kатегорија: 8+
Дистрибутер: KT Филм и медиа ДООЕЛ

29.11.2018 Kино: Господин Мол и фабриката за чоколадо

Објавено: 29 Ноември 2018

Напишано од НУЦК

Категорија: Настани

На 29.11.2018 (четврток) со почеток од 19:00 часот ќе се прикажува филмот - „Господин Мол и фабриката за чоколадо“, влез 50 денари. Ве известуваме дека за првите 70 лица кој ќе остават коментар на фејсбук, доделуваме гратис влезници! Филмот е комедија и прифатлив и за деца не пропуштајте!

Господин Мол и фабриката за чоколадо (2017) во режија на Мануел Флурин Хендри, 90 мин

Кратка содржина:

Целата приказна се случува кога г-дин Мол е сам дома со децата. Всушност се случува еден чоколаден хаос. Додека г-дин Мол работи прекувремено во фабриката за чоколада неговите деца се впуштаат во борба со децата на соседите – борба која настанува со слатки и се случува тотален хаос. Како дел од истата е миленичето Circus Dog.

27.11.2018 Кино: „Хотел Југославија“

Објавено: 27 Ноември 2018

Напишано од НУЦК

Категорија: Настани

На 27.11.2018 (вторник) со почеток од 19:00 часот ќе се прикажува филмот - Хотел Југославија, влез 50 денари. Ве известуваме дека за првите 20 лица кој ќе остават коментар на фејсбук, доделуваме гратис влезници! Не пропуштајте!

Хотел Југославија (2017) - документарен филм, 78 минути

Кратка содржина:

Документарниот филм „Хотел Југославија“ во режија на Никола Вањиер од Швајцарија е патување низ времето и просторот на зградата. Режисерот, кој е Југословен по мајка, но роден во Швајцарија, ја истражува колективната потсвест, како и делови на сопствениот идентитет.

- Изграден во Нов Белград во 1969 година, хотелот „Југославија“ беше митско место. Тој беше и симбол и сведок на разните моменти што ја обликуваа поранешна Југославија: од Тито до Милошевиќ, од социјализам до национализам, од бомбардирањата на НАТО до корумпиран економски либерализам. Денес, тој сѐ уште го прогонува белградскиот пејзаж, како одраз на едно српско општество во потрага по нови достигнувања.

Филмот е претставен на многу фестивали: Сао Пауло, Берлин, Меѓународниот фестивал на документарни филмови во Тајван и други.

Дистрибутер на филмот е Катавеј Дооел.

28.11.2018 Кино: „Хесус“

Објавено: 28 Ноември 2018

Напишано од НУЦК

Категорија: Настани

На 28.11.2018 (среда) со почеток од 19:00 часот ќе се прикажува филмот - „Хесус“, влез 50 денари. Ве известуваме дека за првите 20 лица кој ќе остават коментар на фејсбук, доделуваме гратис влезници! Не пропуштајте!

Хесус“ (2016) во режија на Фернандо Гузони, 86 минути

„Хесус“ – чилеанска драма-трилер за генерациската разлика и неморалниот живот на тинејџерите, филмот во официјална конкуренција на фестивалите во Сан Себастијан, Торонто и др.

Кратка содржина:
Сантијаго, Чиле. Хесус, 18, живее сам со неговиот татко Хектор во станот каде што телевизорот ја надоместува нивната неспособност да комуницираат. Остатокот од времето, тој танцува во бенд, се дружи со пријателите и се дрогира, гледа неморални видеа и има секс на јавни места, трагајќи по возбуда. Една ноќ, заедно со неговите пријатели, станува дел од непоправлива несреќа. Овој настан ќе ги зближи Хесус и Хектор како никогаш порано, но истовремено и ќе ги уништи засекогаш.

Дистрибутер на филмот е Катавеј Дооел.

26.11.2018 Кино: „Хoтел Гагарин“

Објавено: 26 Ноември 2018

Напишано од НУЦК

Категорија: Настани

На 26.11.2018 (понеделник) со почеток од 19:00 часот ќе се прикажува филмот - Хотел Гагарин, влез 50 денари.

„Хотел Гагарин“ (2018) во режија на Симоне Спада (италијанска комедија), 94 минути

Кратка содржина:
„Хотел Гагарин“ е приказна за петмина Италијанци без скршена пара што ја чекаат својата голема шанса се испратени да снимат филм во Ерменија. Но, кога ќе пристигнат таму, избувнува војна и нивниот нечесен продуцент исчезнува со парите. Додека седат напуштени во хотелот „Гагарин“, кој се наоѓа длабоко во шумата и затрупан под снег, наоѓаат оригинална и неочекувана можност за незаборавна среќа.

Продуцентот на филмот бил номиниран за наградата на Италијанскиот национален синдикат на филмски новинари.

Дистрибутер на филмот е Катавеј Дооел.