Во чест на Меѓународниот ден на мајчиниот јазик на 22.02.2021 година (понеделник) со почеток од 15:00 час. во фоајето на Центарот за култура „Ацо Ѓорчев“ Неготино ќе се организира Литературно читање, на кое учество ќе земат ученици од СОУ „Св. Кирил и Методиј“ Неготино, под раководство на професорката Маја Којчева Величкова. Овој настан ќе се одржи по сите протоколи за заштита од ковид вирусот.
По повод големиот празник „Св.Трифун“ НУ Центар за култура „Ацо Ѓорчев“ Неготино, во соработка со Фото и Видео Клуб „Ацо Ѓорчев“ организира Изложба на фотографии на тема „Св. Трифун“. Изложбата ќе се отвори на 12.02.2021 година (петок) со почеток од 12:00 часот во Фоајето на Центарот за култура, во согласност со сите протоколи за заштита од корона вирусот. Ги покануваме заинтересираните граѓани да присуствуваат на оваа изложба.
На 20.11.2020 година (петок) од 19:30 часот, во НУ Центар за култура „Ацо Ѓорчев“ Неготино ќе се одржи Концерт на вокално инструментален настап „ЛИРА", со, КУД „Јане Сандански“ кој работи при Центарот за култура и АТМИ „Митко Алексов“ од Кочани. Овој настан ќе се одржи со сите протоколи кои ги налагата ситуација со ковид вирусот, со тоа што внатре ќе можат да влезат најмногу 50 посетители со маски. Влез:100 денари.
На 24.11.2020 година (вторник) ќе се одржи традиционалната музичка манифестација „Најдобар глас“ 2020, настанот ќе се одржи во салата на Центарот за култура со почеток од 18:00 часот по сите протоколи кои ги налага мометанталана ситуација со ковид вирусот, во салата ќе можат да влезат одреден број на посетители поточно само 50 луѓе. Ги известуваме заинтересираните граѓани кои сакаат да го проследат овој настан, дека билетите можат да ги набават секој ден во просториите на Центарот за култура. Влез: 100 денари.
