Home

22 и 23.11.2021 ДОКУМЕНТАРЕН ФИЛМ: „КАДЕ ПРИПАЃАМЕ“

22 и 23.11.2021 година со почеток од 19:00 часот, во Центарот за култура „Ацо Ѓорчев“ Неготино ќе се прикажува документраниот филм „Каде припаѓаме“. Претставата ќе се одржи по сите протоколи за заштита од COVID 19 вирусот, влез само 50 денари.

Кратка содржина
Родителите се разделуваат, семејството се распаѓа. Од она што некогаш било едно сега произлегуваат два одвоени светови. Децата сега живеат меѓу два домови, во постојана транзиција. Филмот се обидува да ни ја приближи детската реалност и се фокусира на тоа колку децата се кревки, но истовремено и колку храбро, паметно и со смеа ја перцепираат нивната состојба.

Година: 2019
Режија: Жаклин Цинд
Времетраење: 78 мин
Земја: Швајцарија
Втора категорија

Дистрибутер: Узенгија
Жанр:Документарен филм

· Номиниран за Кристална мечка на Берлин Филм Фестивал 2019 во Generation Kplus

програмата

· Добитник на Young Eyes наградата на Документарниот фестивал во Лајпциг

https://www.imdb.com/title/tt9731426/?ref_=fn_al_tt_3

05.11.2021 ИЗЛОЖБА: Wr Wood en reality - АНГЕЛ МИОВ

Самостојна изложба на ликовниот уметник Ангел Миов насловена како: Wr Wood en reality. Изложбата се одржа во фоајето на Центарот за култура „Ацо Ѓорчев“ Неготино, на која се почитуваа сите протоколи за заштита од COVID 19 вирусот.

27.10.2021 ФИЛМ - „МАРЕ“

На 27.10.2021 година (среда) со почеток од 18:30 часот ќе се прикажува играниот филм „Маре“, претставата ќе се одржи по сите протоколи за заштита од COVID 19 вирусот. Влез: 100 денари.

KРАТКА СОДРЖИНА

Рутински, но со посветеност, Маре го води скромното домаќинство на своето мало семејство, иако новата машина за перење не е единственото што недостасува. Кога случајна средба ќе го разгори нејзиното либидо, таа не се воздржува долго.

Година: 2020
Режија: Андреа Штака
Времетраење: 84 мин
Земја: Швајцарија / Хрватска
Жанр: драма
Дистрибутер: Катавеј
Возрасна Категорија: 12+

Линк од imdb: https://www.imdb.com/title/tt7583460/?ref_=fn_al_tt_1

19.10.2021 ИЗЛОЖБА НА ДЕЛА ИЗРАБОТЕНИ ОД ХАРТИЈА - КВИЛИНГ ТЕХНИКА

Почитувани, на 19.10. 2021 година (вторник) со почеток од 12:00 часот, ќе се одржи Изложба на дела изработени од хартија - Квилинг техника, изработени од членовите на креативната работилница при Центарот за култура од Крива Паланка. Ги покануваме сите заинтересирани за уметноста да присуствуваат на отварањето во Фоајето на Центарот за култура „Ацо Ѓорчев“ Неготино, при што задолжително е да се придржуваат кон мерките за заштита од COVID 19 вирусот.