Даме Груев бб,
1440 Неготино

Почитувани, на 19.10. 2021 година (вторник) со почеток од 12:00 часот, ќе се одржи Изложба на дела изработени од хартија - Квилинг техника, изработени од членовите на креативната работилница при Центарот за култура од  Крива Паланка. Ги покануваме сите заинтересирани за уметноста да присуствуваат на отварањето во Фоајето на Центарот за култура „Ацо Ѓорчев“ Неготино, при што задолжително е да се придржуваат кон мерките за заштита од COVID 19 вирусот.

На 10.10.2021 година (недела) со почеток од 19:00 часот КУД „Јане Сандански“ при Центарот за култура „Ацо Ѓорчев“ Неготино ќе го одржи својот годишен концерт  со што ќе ги  заокружи сите предвидени  активности во фолклорната дејност за 2021 година. Концертот ќе се одржи според сите КОВИД мерки и протоколи, влез: 100 денари.

Почитувани,  Центарот за култура „Ацо Ѓорчев“ Неготино ви најавува уште еден настан од полето на традиционалната култура. Станува збор за изложба на фотографии од традиционални носии од збирката на младиот стружанец Љупчо Милошески. Воедно на отварањето на изложбата ќе биде поставен штанд со монографија од самиот автор во која се прикажани сите традиционални носии кој тој самиот ги собирал од терен. Изложбата ќе биде поставена на 05.10.2021 (вторник) со почеток во 12:00 часот во фоајето на Центарот за култура Неготино, а ќе трае до 11.10.2021 (понеделник).

На 01.10.2021 година (Петок) во фоајето на Центарот за култура „Ацо Ѓорчев“ Неготино ќе се одржи Изложба на слики изработени на колонијата „Св. Пантелејмон“ во 2020 година, организирана од Центарот за култура од Кочани. Ги покануваме заитересираните граѓани да присуствуваат на отварањето од 12:00 часот, воедно напоменуваме дека изложбата ќе се одржи со сите протоколи за заштита од корона вирусот.