Во Центарот за култура „Ацо Ѓорчев“ Неготино хуманитарната театарска претстава „Умри машки" во изведба на Аматерскиот Театар „Мирка Гинова" од Демир Капиja, овој настан е во склоп на проектот Хуманитарен маратон - „Неготино се буди". Вашите средства ќе одат во прилог на најзагрозеното семејство во општината, за луѓе кои немаат стабилен покрив над главата, живеат во куќа која може да се распадне во секој еден момент. Ве покануваме да ја погледнете оваа одлична комедија.
Автор: Алдо Николај Режија: Томе Атанасов Играат: Кристина Николовска Томе Атанасов Крсте Мелов Димче Бањански
Традиционално како и секоја година така и оваа на 15.12.2018 год. (сабота) со почеток од 19:00 час. Годишен концерт ќе одржи КУД „Јане Сандански“ при Центарот за култура „Ацо Ѓорчев“ Неготино. Гости на вечерта ќе биде КУД „Бранислав Нушиќ“ од Владичин Хан, влез само 50 ден. Не пропуштајте!
Здружението на филмски продуценти во Македонија, во рамките на манифестацијата „Млади Европејци“ а со поддршка на Министерството за култура на Република Македонија го организира проектот Европски филм за млада публика. Неготино како еден од учесниците во проектот, ќе прикаже три филма за млади од 15 до 19 години. Проекциите за сите филмови се бесплатни!
На 18.12.2018 (вторник) со почеток од 19:00 часот ќе се прикажува филмот - „Стрикер“ (Гол натрапник) (Streaker)
Кратка содржина: Учител од средно училиште кој влегува во финансиска криза и изнаоѓа начин како да ја преброди истата. Сонува за брз живот, пари и шема која зависи од нелегални обложувања. Всушност тој самиот запаѓа во валкани игри.
Година: 2017 Режија: Питер Луиси Времетраење: 98 мин Земја: Швајцарија Жанр: Комедија/Спорт Дистрибутер: Катавеј ДООЕЛ
На 19.12.2018 (среда) со почеток од 19:00 часот ќе се прикажуваат филмовите „Young solitute“ - „Младешка самотија“ со почеток од 17:00 часот и „Beside me“ - „Покрај мене“ со почеток од 19:00час.Не пропуштајте!
Кратка содржина: Клер Симон ни прикажува еден важен период од животот на секој човек, од 16 до 18 години. Сместени во едно париско предградие во средно училиште (за оние што се доволно среќни воопшто да одат на училиште), тинејџерки разговараат по и за време на часовите, седнати во школските ходници или надвор на некоја клупа, гледајќи во градот под нив. Клер Симот поставува кинематографски дијалог со тинејџерките, кои зборуваат за нивниот личен живот, за нивните семејства, но и за страстите и осаменоста.
Година: 2018 Режија: Клер Симон Времетраење: 100 мин Земја: Франција Жанр: Документарен Kатегорија: 8+ Дистрибутер: KT Филм и медиа ДООЕЛ
Кратка содржина: Подземната железница во Букурешт е блокирана во утринските часови, само еден ден по ужасниот пожар во еден од ноќните клубови на главниот град со голем број починати или поврдени млади луѓе. Овој инспиративен филм на младиот романски режисер Теди Некула, на кој истовремено може да се гледа и како на социјален експеримент, претставува алегориска приказна за самиот свет и за односите во него. Луѓето тргнати на пат почнуваат да разговараат еден со друг. Што се случува кога времето, магично или механички, ќе застане за еден момент... или за половина час? Кога другиот сум јас, а јас сум другиот и кога времето „изгубено“ може да се претвори во време „добиено“ (пријател, искуство, разговор). На крајот на патот претворен во патешествие, некој излегува променет.
Година: 2017 Режија: Теди Некула Времетраење: 84 мин Земја:Романија Жанр:Драма
На 14.12.2018 год. (петок) со почеток од 18:00 час. во АРТ галеријата на Центарот за култура „Ацо Ѓорчев“ Неготино ќе се одржи Изложба на макети од повеќе познати манастири изработени од Стево Михајлов и Горан Манчев, ве поканувавме да присуствувате на овој несекојдневен настан.
На 04.12.2018 (вторник) со почеток од 19:00 часот ќе се прикажува филмот - „Помош ја смалив наставничката“, влез 50 денари. Ве известуваме дека за првите 20 лица кој ќе остават коментар на фејсбук, доделуваме гратис влезници! Филмот е одлична комедија и прифатлив за мали деца и ученици не пропуштајте!
Кратка содржина: Помoш, ја смалив наставничката!
Училишна филмска авантура „Помош, ја смалив учителката“ за 11-годишниот Феликс, на кој никој не му верува дека ја „смалил“ неомилената директорка на училиштето. Режијата е на Свен Унтервалт Јуниор и трае 90 минути.
Дури ни самиот Феликс не знае како ја смалил директорката на само 15 сантиметри и дали има некаква врска со духот на основачот на училиштето. Тој сега има голем проблем за средување бидејќи минијатурната директорка се наоѓа во неговиот ранец каде се уште се расправа и го кара. Заедно со неговата директорка Ела и против ривалот Марио и неговиот татко, Феликс мора да се обиде да ја врати директорката во оригиналната големина. Ако само престане да досадува!
